قصة (لذة الحلال) بقلم روان عادل - مجلة الشفق

"الفصل الاول"..

..... في صباح يوم جديد .... دقت الساعه السابعه صباحا

وكانت أسيل ترتدي ملابسها لتذهب الي عملها كالعاده وجلست لتتناول الفطور مع والدتها وشقيقتها الصغيره ...

_أسيل بابتسامه/صباح الخير ..

_زينب وهي تبادلها الابتسامه/صباح النور حببتي ..

_مرام/صباح النور ..

_زينب بضيق/أسيل مش احنا اتكلمنا في موضوع اللبس ده يابنتي وقولتي هتغيري من نفسك للاحسن ليه بتحاولي تزعليني وتضايقيني ..

_أسيل بضيق/ماما وانا ماله لبسي ماهو حلو اهو ..

_زينب/البنطلون الضيق والبلوزه اللي قبل ركبتك بكتير دي وحجاب اللي طالع منه ربع شعرك ده ينفع يابنتي ..

_أسيل وهي تنهض بضيق/ماما انا اتاخرت عن اذنك ..

_مرام بطفوله/أبله أسيل هاتيلي معاكي الشوكلت اوعي تنسي ..

_أسيل بابتسامه/حاضر ياحببتي مش هنسا يلا سلام ..

....

*وذهبت أسيل الي عملها وهي لاتعطي لكلام والدتها اي اهتمام وكأنها تشعر انها دائما علي حق ... وعندما وصلت أسيل الي مقر عملها وهو "ممرضه في احدي المستشفيات"

#روايات_واتباد  #روايات_رومانسية #مجلة_الشفق #روايات_بالعامية_المصرية

اتجهت الي صديقتها "رنا" ليبدئو عملهم سويا ...

_رنا/صباح الفل ياست أسيل دكتور عمار قال لايمكن ادخل عمليه واحده او حتي كشف من غير ممرضتي الجميله أسييل ...

_أسيل ضاحكا/لاوالله يعني دكتور عمار بنفسه معطل الدنيا لحد مااجي لابجد فاجئتيني ...

*وقطع حديثهم قدوم دكتور عمار وهو يقول/أسيل يلا اجهزي في عمليه لازم ندخلها وفي كشفين خلصو قبل ماتيجي وبعدين عايزاك تيجي بدري عن كده شويه ...

_أسيل وهي تنظر لرنا بحده/حاضر يادكتور باذن الله مش هتأخر تاني ...

_عمار/تمام يلا حصليني ...

*وذهب دكتور عمار وركضت رنا قبل ان تمسك بها أسيل ...

.....

في نهايه اليوم انتهت أسيل من عملها وقبل ان تذهب اتجهت الي مكتب الدكتور عمار وتفاجأ هو الاخر بوجودها ...

_دكتور عمار بقلق/أسيل انتي مش المفروض تروحي من شويه حصل حاجه ولااي ...

_أسيل بابتسامه/لا محصلش حاجه انا بس مستنيه مرام وهمشي علي طول ...

_دكتور عمار بتعجب/طيب في حاجه ...

_أسيل بتوتر/ها لا كنت كنت جايه اشوف حضرتك بس لو عاوز مني حاجه قبل ماامشي ...

_دكتور عمار بضيق/لا اتفضلي بقا ...

_أسيل بحزن/طيب عن أذنك ...

*وغادرت أسيل وكان عمار يتابعها بنظراته وهو حزين من تصرفاتها وملابسها هو يريد جمال حبيبته يخفيه عن الانظار يريد ان يري هو فقط جمالها ليس الجميع ... وانتهي هو الاخر من عمله وذهب خلف أسيل ليطمئن عليها حتي تغادر المستشفي ...

*كانت أسيل تنتظر رنا خارج المستشفي وهي حزينه وتقاوم دموعها حتي لا تسيل وعندما جائت لها رنا أحتضنتها علي الفور وقصت لها أسيل ما حدث معها وكان عمار يتابعهم من بعد وكانت عينه تود ان تصرخ بحب وحنان وهي تقول "قسوتي عليكي للحفاظ علي قلبك للحفاظ عليكي من أي ذنب أريدك حلالي أريدك في الحلال" ...

_أسيل بحزن/انا غلطت لما روحتله صح انا مش عارفه ازاي كنت هطلب منه رقمه عشان لوعايزه اخد اذن ولاحاجه بأي حجه وخلاص كنت عايزاه قريب مني ديما امتي هيحس بمشاعري تجاهه مش عارفه امتي هيشوف حبي لي انا تعبت اوي ..

_رنا بحنان/ياحببتي انتي عارفه وكلنا عارفين ان دكتور عمار ديما جد في شغله ومش من النوع اللي بينجذب للبنات اللي بتلبس الضيق وتحط كل انواع الميكب وكل ده هو باين عليه انه عاوز بنت ملتزمه تحافظ علي نفسها وروحها وتكون جوهره متصانه هو بس اللي من حقه يشوفها وتكون لي بس فهماني ياأسيل ..

_أسيل بتنهد/اه فهماكي طيب انا همشي بقا ..

_رنا/طيب يلا انا هوصلك في طريقي ..

*وذهبت كل من أسيل ورنا الي منازلهم ...

بمنزل أسيل...

كانت زينب تحضر العشاء لأبنتها وكانت مرام بغرفه أسيل ..

_أسيل/ها قوليلي عامله اي في مذاكرتك ومدرستك ..

_مرام/كويسه وطلعت الاوله في فصلي ..

_أسيل بسعاده/بجد شطوره ياحبيبه قلبي انتي وعقبال مااشوفك كده كبيره وناجحه في دراستك وحياتك ..

_مرام وهي تقف فوق السرير وتقول/ماانا كبيره اهو انا في سنه تالته خلاص ..

_أسيل ضاحكا/اه صح نسيت انك في تالته ثانوي دول كلهم تالته ابتدائي ياأوزعه ..

_مرام بتذكر/ صح ياأبله أسيل فين الشوكلاته..

_أسيل بتذكر/اه صحيح اسفه بجد يامرام نسيت والله معلش ياقلبي بكره باذن الله انا وراجعه من الشغل هجيبلك معايا ..

_مرام بحزن/لا زعلانه ..

_أسيل بحزن/خلاص يامرام متزعليش بقا طب بقولك تيجي نتفرج علي كرتون بتحبيه ونعمل فشار وناكل سوا ..

_مرام بسعاده/هيييه ماشي يلا يلا ..

_أسيل ضاحكا/طيب اصبري بس نشوف ماما اللي عملت العشا دي الاول تعالي ..

*وتناولت أسيل العشاء مع أسرتها الصغيره ثم أخرجت فيلم كرتون وشاهدته هي وشقيقتها الصغيره وهم يتناولو الفشار ...

*في صباح يوم جديد .. استيقظت أسيل فزعا من نومها وهي تنهج وتبكي بصمت بعد مارأت ذلك الكابوس البشع. ودخلت والدتها لها لتستيقظها وبعد مارأتها في هذه الحاله ركضت اليها واحتضنتها علي الفور ...

_زينب بقلق/أسيل مالك ياحببتي انتي كويسه مالك بتنهجي كده ليه وبتعيطي ليه ...

....

"الفصل الثاني"

....

_أسيل ببكاء/كابوس وحش اوي ياماما ..

_زينب/اعوذ بالله كابوس اي ده يابنتي ..

_أسيل بخوف/شوفت نفسي قاعده في مكان غريب وذئاب لكن شكلهم بني ادمين بتقرب مني عايزه تهاجمني وانا مش عارفه ققوم ولا اجري ولااصرخ كنت مشلوله الحركه واللسان كنت مرعوبه كنت بشعري وبهدوم مكشوفه وبحاول اغطي نفسي بنفسي مش عارفه وحسيت ان عيون الذئاب دي بتاكل في جسمي وانا مش عارفه استر نفسي ولا اعمل حاجه وقبل ماتقرب مني وتهاجمني قومت مفزوعه من النوم انا خايفه اوي ياماما

..

_زينب بقلق/اعوذ بالله من الشيطان الرجيم خلاص ياحببتي اهدي ده كابوس وراح اهدي متخافيش قومي يلا حالا اتوضي وصلي ركعتين الصبح وانتي هططمني ولما تخلصي قوليلي عشان عايزه اتكلم معاكي يابنتي ..

_أسيل بتنهد/حاضر ياماما حاضر ..

_زينب/عارفه تتوضي ازاي ولا لا ياأسيل ..

_أسيل بابتسامه ساخره/مش للدرجه دي جاهله في ديني ياماما انا اه بعيده وبعيده اوي لكن مش خاالص ادعيلي انتي بس ..

_زينب بابتسامه صغيره/طيب يابنتي ربنا يهديكي ويصلح حالك يارب ...

*وخرجت زينب من غرفه ابنتها وهي تدعو لها ونهضت أسيل وخرجت خلفها لتتوضأ ...

...

_بمنزل دكتور عمار...

*كان عمار يتناول فطوره مع أسرته "والده وشقيقته الكبري "..

..

_علا/وانت عامل اي في المستشفي بقا ياعمار والممرضين والمرضي ..

_عمار وهو يتذكر أسيل ويتنهد/بخير بخير انتي عامله اي ياحببتي وجوزك عامل اي..

_علا/بخير والله كله تمام ..

_محمد/انت صحيح جيت امتي ياعمار امبارح انا كنت هستناك لكن النوم غلبني ..

_عمار/انا جيت بعد الساعه 12 كده ..

_محمد بتعجب/اي ليه ياابني التأخير كل ده هو كان في كشوفات وعمليات لحد الوقت ده ..

_عمار بتوتر قليل/لا انا خلصت علي 10لكن كنت محتاج ققعد في كافيه شويه واشم هوا غير هوا المستشفي ..

_محمد وهو ينهض/طيب يابني ربنا يعينك عن اذنكم بقا عشان متأخرش عن البنك وانتي ياعلا اعملي حسابك مش هتمشي النهارده غير لما تتغدي معانا وعرفي جوزك كده يلا سلام عليكم ..

_عمار وعلا/وعليكم السلام ورحمه الله وبركاته ..

*وذهب محمدثم نهض عمار ليذهب هو الأخر الي عمله لكن أوقفه سؤال علا المعتاد ..

_علا/اي يادكتور عمار مش هنفرح بيك بقا ولااي انت بتكبر يابني ولازم تتجوز ..

_عمار بابتسامه/نفسي اعرف امتي هتبطلي تسألي نفس السؤال ده بس هريحك ياستي وهقولك قريب باذن الله خلاص بقا ..

_علا بسعاده وعدم تصديق/اي بجد لا انا مش مصدقه اخيرا ومين ده بقا اللي عرفت تخطف قلبك وتوقعك يادكتور ..

_عمار بشرود/هي خطفت قلبي بس دي خطفت كياني كله ربنا يهديها بس وباذن الله كل حاجه هتتغير ..

_علا بعدم فهم/يعني اي مش فهمه ..

_عمار بانتباه/ها لا ولا حاجه انا ماشي بقا سلام ..

*وذهب عمار سريعا قبل ان يفضحه لسانه أكثر وبالأخص "قلبه" الذي كان يتحدث عن حبيبته السريه أسيل وظلت علا مندهشه من حاله أخيها المتغيره ..

...

_بمنزل أسيل ...

*انتهت أسيل من صلاه الصبح وتناولت الفطور مع أسرتها وبعد انتهاء الفطور ذهبت لوالدتها في الشرفه لتتحدث معها ..

_أسيل/ماما حضرتك كنتي عايزاني ..

_زينب/ايوا يابنتي كنت عايزه اتكلم معاكي عن حياتك ..

_أسيل بتعجب/حياتي ومالها حياتي ياماما مش فهمه ..

_زينب بحزن/يعني انتي يعجبك حاله الضياع اللي انتي عايشه فيها دي عجبك الكوابيس اللي بتشوفيها دي والخنقه اللي بتحسيها ديما طيب بتحسي ان عندك هدف كده في الحياه ولا لا أسيل انا مش عايزاكي كده عايزاكي احسن يابنتي عايزاكي تفهمي انتي اتولدتي ليه واي هدفك في الحياه واي هي الحياه اصلا وليه في حياه وليه بيبقي اخرته نهايه الموت ياتري كل ده مسألتوش لنفسك ولو مره ..

_أسيل بحزن وألم/لا سألت ياماما لكن معرفش اجاوب ماما انا طول عمري لوحدي انا روحي كانت متعلقه ب بابا اوي الله يرحمه مات وماتت أسيل معاه الحقيقيه اللي قدامك دلوقتي دي شبيهه ليها لكن مش الحقيقيه بابا هو الوحيد اللي كان بيفهمني ويحس بيا كان بيعرفني من عنيا كان ديما بيتكلم معايا ونتناقش كان صاحبي وكل حاجه ليا في الدنيا لما مات انتي مجربتش مره تقعدي معايا فيها وتتناقشي وتتكلمي معايا وتقوليلي احكيلي حصل اي النهارده طب عملتي اي كنتي بعيده ياماما وانا غصب عني ضيعت توهت تعبت اوي من بعد بابا لانه الوحيد اللي كان عارف أسيل اي الله يرحمه بقا ..

_زينب بندم وحزن /انا يمكن اه مكنتش بقعد معاكي كتير ولا بنتكلم سوا زي ماكنتي بتقعدي مع باباكي الله يرحمه لكن ده مش معناه تضيعي روحك كده انا اه غلط في بعدي عنك بس مش بيدي يابنتي مشاغل البيت والدنيا خدتني وانا كنت بعمل كل اللي عليا عشان اعيشكم في احسن عيشه ومش تحتاجو لحاجه سامحيني يابنتي وراجعي نفسك بنفسك ولو فعلا بتحبي ابوكي الله يرحمه ارجعي لربك وحاسبي نفسك واعملي الصح وفرحي منك أبوكي وفرحي قلب أمك كمان لان وحشتني أسيل أسيل القديمه ...

*وبعد هذا الدرس الطويل لأسيل تركتها والدتها واتجهت أسيل لغرفتها وهي تحبس دموعها وانفجرت باكيا بغرفتها وهي تتذكر حديث والدتها لها وتتذكر فرحه والدها لها بأول يوم أرتدت فيه الخمار . ذكريات كثيره كانت تراودها وأفكار وتشوش لكن عزمت أمرها في النهايه انها ستتغير ستتغير للأفضل ستتغير اولا لأجل رضا ربها ثم رضا والدها ووالدتها عليها ... وقطع تفكيرها المستمر رنين هاتفها وكانت صديقتها "رنا" ...

_أسيل بصوت مشوش/الو يا رنا..

_رنا/اي ياأسيل انتي فين ده دكتور عمار لسه جاي من شويه وبيسأل عليكي عشان في عمليه تاني كمان شويه ..

_أسيل بتنهد وهي تتذكر عمار وتتذكر قسوته في الحديث معها ثم قالت بحزن/انا مش جايه النهارده يا رنا معلش تعبانه شويه بس اعتذريلي من دكتور عماد وان عندي عذر معلش ..

_رنا بقلق/أسيل مالك صوتك مش عجبني وتعبانه فيكي اي قلقتيني ..

_أسيل وهي تحاول ان تبدو بخير/لا لا متقلقيش ارهاق بس وشويه صداع عشان كده تلاقيني مش في المود يعني ..

_رنا بعدم تصديق/اه طيب انا هبلغ دكتور عمار عليكي وهعتذرله بالنيابه عنك بس بليل لما أخلص هعدي عليكي وهحاول امشي بدري عشان اعرف اجيلك لان اصلا مش مقتنعه بكلمه من كلامك بس هشوفك بليل ..

_أسيل/ماشي يارنا يلا سلام بقا عشان معطلكيش ..

_رنا/ماشي ياأسيل سلام ..

...

*وغلقت رنا مع أسيل وفي اتجاهه لدكتور عمار وجدته وهو يتوجه نحوها ..

_عمار وهو يصطنع بعض الجديه ليسأل عن أسيل/انسه رنا فين زميلتك هي لسه متأخره برده ..

_رنا بتوتر/احم لا اصل بصراحه اسيل كلمتها وعرفت انها تعبانه شويه وبتعتذر لحضرتك انها مش هتقدر تيجي النهارده ..

_عمار بقلق واضح/تعبانه ازاي مالها أسيل ..

_رنا بتعجب/لا هي كويسه متقلقش حضرتك هو صداع جامد بس وارهاق وصوتها كان واضح عليه بصراحه ..

_عمار بحزن وقلق/طيب الف سلامه عليها ولو تعبانه اوي خليها ترتاح يومين في البيت لحد ماتبقي كويسه باذن الله ..

_رنا وهي تفحص تعابير وجهه سريعا وتغض بصرها سريعا ثم قالت في تعجب/حاضر يادكتور بصراحه حضرتك كلك ذوق شكرا ليك علي تفهمك الواضح ..

_عمار بعد مااصطنع الجديه مره اخري وهو يغير تعابير وجهه قبل ان ينفضح امره ثم قال/تمام يلا حصليني علي العمليات ياانسه ..

_رنا/اه حاضر جايه اهو .. "ثم قالت في نفسها:معقول يكون بيحبها وبيحاول يخبي لا ده مش معقول ده أكيد ربنا يسعد قلبك يارب ياأسيل" ...

....

"الفصل الثالث"

........

_بمنزل أسيل...

*بعد الأفكار المشوشه والقرارات الكثيره و بعد ما قرأت الحادثه المؤلمه علي مواقع التواصل الاجتماعي "أصطدمت سياره ما بفتاه شابه وهي ذاهبه لمدرستها وتوفت علي الطريق وكانت حادثه تثير الجدل علي المواقع " والأكثر بقلب أسيل التي علمت ان الموت ليس في انتظارك لتفيقي وتعودي لربك هو يأتي دون أستأذان يأتي فجأه وبسبب هذا يجب أن تكوني قريبه الي ربك دائما ليرضي الله عليكي ويراضيكي. ثم قررت أسيل ان تتغير أخيرا وليس بالخارج فقط لا ستبدأ اولا من الداخل من داخلها عقلها وأفكارها وقلبها ومشاعرها ثم ستنتقل لخارجها ...

فانهضت وتوضأت وبحثت عن كيفيه صلاه التوبه لله ثم قضتها بسلام وهي مطمئنه لاول مره ولاول مره تشعر انها تتذوق الراحه والسلام وابتسمت وهي تشكر ربها علي نعمه الإحساس علي نعمه الإسلام . وقضت اليوم لأخره في غرفتها تستمع للقرأن الكريم وتستمع الي الدروس والموعظه وتقرأ عن الصلاه والنوافل وحجابها الشرعي وكل شئ ...

*في المساء ..جائت رنا الي منزل أسيل وأدخلتها زينب لغرفه أسيل التي تعجبت من حالها فجأه بعد سماع القرأن الكريم وحجابها داخل المنزل وحزنها وقلقها وسعادتها التي كانو متحدين بعيونها .لكن زينب كانت سعيده للغايه بقرار أسيل وكانت تدعو لها من كل قلبها ان يوفقها ويثبتها علي طاعته ويسعدها في حياتها. ثم اتجهت رنا الي أسيل وجلست بجانبها ...

_رنا بتعجب قليل وسعاده/أسيل فرحتيني بجد انك مشغله القرأن كده في أوضتك ايوا كده ماشاء الله عليكي بس حساكي متغيره كده في حاجه صح ..

_أسيل بحماس/انا خلاص قررت اتغير للأحسن يا رنا قررت انسي مرحله حياتي اللي فاتت دي لانها مكنتش حياه بالنسبه ليا اصلا خلاص انا فوقت وبفوق لسه ولازم افوق لان عرفت ان سعادتي ومعني حياتي في قربي من ربنا وبس ..

_رنا بسعاده وهي تحتضنها/ياحببتي ياأسيل فرحتيني اوي والله بجد كنت مستنيه كتير اليوم ده وفعلا يهدي من يشاء ربنا يردك اليه ردا جميلا ياارب ويثبتك ويثبتني ويثبتنا جميعا ياارب ..

_أسيل بابتسامه/يااارب انتي عامله اي وعملتي اي النهارده في المستشفي ..

_رنا بتذكر/ صحيح ده انا جيالك ومعايا خبر بمليون جنيه الظاهر كده ان النهارده يوم البشاير ولااي الله واكبر ..

_أسيل بتعجب/مش فهمه قصدك اي ..

_رنا بسعاده/قصدي ان دكتور عمار بيحبك ومتسألنيش عرفت ازاي لان مش عرفت وحسيت وخلاص ..

_أسيل بصدمه وتوتر/اي انتي انتي بتقولي اي بس يا رنا دكتور عمار وانا وبيحبني انا مش فهمه حاجه طب وعرفتي ازاي ..

_رنا/اسمعي ياستي ... "وقصت لها رنا عن كل ماحدث "

_أسيل بسعاده غامضه/احم لا لا بس أكيد مفيش كده اكيد بيتعامل مع كل ممرضاته كده عادي يعني ..

_رنا بتعجب/عادي ده من امتي ده انتي متأكده انه عادي ..

_أسيل/اه عادي رنا ارجوكي انا مش عاوزه اوهم نفسي بحاجه وكمان لو في حاجه من ناحيته ليا زي ماانا في حاجه من ناحيتي لي باذن الله ربنا يجمعنا مع بعض في الحلال خلاص انا نسيت كل اللي حصل مني قبل كده والتصرفات الغلط اللي فاتت انا بدئت صفحه جديده مع نفسي ومع ربي ..

_رنا بابتسامه سعيده/حببتي ربنا يثبتك ياارب ويجمعكم في حلاله عن قريب ياارب وافرح بيكي بقا يابت ياأسيل ..

_أسيل ضاحكا/يارب وافرح بيكي بقا يابت يارنا انتي كمان صحيح بقولك ..

_رنا/اي قولي ..

_أسيل بحماس/عايزين ننزل انا وانتي بقا من بكره نشتري فساتين وخمارات حلوه و هضطر منزلش الشغل بكره كمان عشان يكون عندي لبس انزل بي وانتي ابقي حاولي تستأذني وتمشي بدري ومدام هو قال ممكن اخد اجازه يومين خلاص انا هاخد بكره وانزل بعده باذن الله ..

_رنا/تماام جدا اتفقناا ..

....

*وجاء يوم جديد مختلف علي أسيل واستيقظت وهي في حاله نشطه وسعيده وذهبت لتستيقظ والدتها لكن رائتها مستيقظه قبلها وتستعد لصلاه الفجر وتوضأت أسيل هي الاخري وأدت الصلاه وجلست تقرء وردها القرآني التي بدئته من اليوم ... وعندما دقت الساعه السادسه صباحا نهضت أسيل لتحضر الفطور وتناولت فطورها مع أسرتها وهي مبتسمه دائما علي غير العاده ثم ذهبت والدتها بمرام الي المدرسه وجلست أسيل تكتب أول رساله في دفتر صغير لزوجها المستقبلي والذي كان قلبها يقول هو سيكون يوما ما هذا الدفتر "لعمار" ...

"كنت لا أعترف بالحب ولا اعلم به كانت قرائه الروايات تأخذني لعالم خيالي مختلف ودائما أقول لروحي هل سيأتي اليوم الذي يدق فيه قلبي لشخص ما وأصبح أسيرته وحبيبته ونصفه الأخر ويصبح حبيبي ونصفي الأخر وتأكدت جيدا من هذه الاحاديث عندما رأيتك وسرقت قلبي اليك ولدي يقين بربي كبير انه يجمعني بك في حلاله عن قريب " ...

*وانتهت أسيل من كتابه الرساله الاوله لزوجها المستقبلي ويقين أسيل كان دائما يخبرها انه عمار ولهذا كانت تكتب وظنها ويقينها بالله فوق الحدود ...

*وبعد صلاه المغرب جائت رنا لأسيل وذهبو سويا ليتسوقو وبعد ساعه ونصف أشترت أسيل أربع فساتين وأربع خمارات بالوان مختلفه ثم اتجهو الي مطعم ما ليتناولو غدائهم ...

_رنابسعاده/بصراحه ياأسيل انا فرحانه اوي ليكي بالتغير للاحسن والخطوات الممتازه اللي انا بتخطيها بجد قعبالي اما البس الخمار ..

_أسيل بابتسامه/حببتي يارنا ربنا يخليكي ليا ياارب وباذن الله انتي كمان قريب تلبسي الخمار وتاخدي الخطوه دي لانها اجمل وافضل خطوه بجد عارفه لما تمشي وتتباهي بفستانك وخمارك كده هتحسي برضا كبير اوي جواكي انك خلاص لبستي اللبس الشرعي واللي ربنا أمر بي انا اه لسه مجربتوش لكن متأكده ان هحس الاحساس ده اول ماالبسه باذن الله ربنا يثبتني يارب ويقربني له اكتر واكتر ويرزقك بارتداء الخمار عن قريب يارنا ..

_رنا بحب/اميين يارب ربنا مايحرمني منك يارفيقتي يارب..

_في مكتب عمار بالمستشفي ..

*كان شارد منذ نصف ساعه وهو يفكر بأسيل وعدم رؤيتها له يقلقه ويحزنه ولهذا السبب فكر بفكره كتابه الرسائل لها وبدء بكتابه أول رساله لزوجته العزيزه المستقبليه "أسيل" ..

"عندما رائيتك أول مره في المستشفي من بين الجميع سرقتي قلبي فجأه بدون انذار كنت أراكي طفلتي التي اخشي عليها من الألم والفقدان وأراكي حبيبتي التي لاتكون للحياه روح بدونها .أمنيتي لكي ان ترتدي الثياب الشرعي الصحيح ان اراكي حور عين في حيائك وعفتك وستظلي دائما طفلتي ستظلي دائما حببتي .. "أسيل"...

....

*وانتهي عمار من كتابه الرساله الاوله وهو يتبسم ويتذكر وجهه حبيبته عندما يجمعهم الله في الحلال وتقرئه ثم نهض وأخذ أشيائه ونهي عمله وذهب الي منزله ....

"الفصل الرابع"

......

*ذهبت كل من أسيل ورنا الي منازلهم ... وكانت مرام بانتظار أسيل وعندما جائت ركضت خلفها الي الغرفه وبيدها ورقه ...

_مرام/أبله أسيل ابله أسيل ..

_أسيل بسعاده وهي تحتضتها/ياعيون وقلب أبله أسيل ايوا ياقلبي ..

_مرام بطفوله/هو يعني اي حب ..

_أسيل باندهاش/اي حب يعني اي ..

_مرام بعدم فهم/ياأبله انا معرفش انا بقولك يعني اي ..

_أسيل بانتباه/اه صحيح معلش ده من صدمه السؤال بس وانتي عرفتي الحب منين ياست مرام وليه بتسألي ..

_مرام/لان في ولد معايا في الفصل كتبلي الورقه دي وفيها انا أحب مرام من زمان واحب خط مرام واحب مرام جدا جدا الي حبيبتي مرام .وبس وانا بسأل يعني اي حب ..

_أسيل بابتسامه وتعجب/معقوله اي كميه الحب الجميله الطفوليه دي طيب يامرام انا هفهمك المهم بصي حببتي الجواب ده كنتي المفروض اول ماتاخدي تسلميه للمس بس خلاص انا بكره هروح معاكي واكلم الولد ده وبعدين ياروحي انتو دلوقتي صحاب زمايل في المدرسه وبس ولما يكلمك في اي حاجه في الحب وكده قوليله انا هقول للمس تمام ..

_مرام/ماشي طيب يعني اي الحب بقا ..

_أسيل بتوتر قليل/الحب هو هو بصي يامرام طبعا عشان انتي لسه صغير فا مش هتفهمي كلامي اوي بس هقولك الحب هو مش بيجي بميعاد ولاوقت هو بيجي فجأه كده فجأه تلاقي قلبك الصغنن ده دق لشخص واحد بس وروحي انجذبت لي وعيونك مبقتش شايفه غيره وبتبقي مطمنه اوي اول ماتشوفيه وتبقي معاه وفرحانه ولما بيمشي الفرحه دي بتقل كتير وبتحسي بخوف وعدم امان تحسي ان روحك راحت معاه وباختصار شديد الحب هو موده ورحمه ، والحب ده يعني خطوبه زواج مفيش حاجه اسمها حب يا مرام بين اتنين صحاب ولسه مش مخطوبين ولا متزوجين يبقي ده اسمه لعب عيال لان اللي بيحبك بجد هو اللي بيبقي عايزك جمبه النهارده قبل بكره وعايز يعرف الدنيا كلها انه بيحبك وانك اخيرا بقيتي حبيبته وخطيبته وخلاص هنتجوز ده الحب يعني في النور قدام العالم لكن الحب اللي في السر ده بين اي اتنين وبيخبو علي الاهل والناس وبيترعبو اول ما حد يعرف ده شئ حرام ياحببتي وغلط لان مفيش حاجه في الضلمه بتبقي صح وبتكمل وحتي لوكملت هتفشل بعد كده وهيحصل مشاكل كتير اوي بينهم يبقي ليه بقا وجع القلب ده من الاول ونغضب ربنا احنا بني ادمين وربنا خلقلنا عقل عشان نفكر بي عشان نفكر قبل اي خطوه بنخطيها ونقارن بين الصح والغلط ونتبع كلام الله ورسوله عشان نفوز دنيا واخره وربنا يرضي علينا ها فهمتي حاجه يا مرام ..

_مرام بابتسامه طفوليه/اه فهمت شويه ..

_أسيل بابتسامه/طب الحمدلله كنت قلقانه لكن الحمدلله واي حاجه تحصل بعد كده تعالي قوليلي علي طول يامرام ياحببتي اتفقنا ..

_مرام وهي تتجهه للخارج/اتفقنا يلا سلام رايحه انام عشان عندي مدرسه ..

_أسيل/تمام وانا بكره هبقي اجي اخدك من المدرسه ياحببتي ...

*وذهبت مرام وظلت أسيل تتذكر هذا الجواب الصغير الذي جاء لمرام وهي تضحك وهل يعقل ان أطفال يشعره بهذا الحب وفي هذا السن وانا لماذا اتعجب هل الحب يأتي بميعاد او وقت مثل ماحكيت لمرام لكن كيف في هذا السن نعم هم أطفال. لكن الحب ليس يعلم صغير ولا كبير ولا عجوز والقلوب لست بأيدينا ماأعظم وأعجب هذا الحب سبحانك ياالله ...

*في صباح يوم جديد مليئ بالاحداث الشيقه. تستيقظ أسيل علي صلاه الفجر لتأدي الصلاه هي ووالدتها ثم جلست تقرء وردها القرأني حتي جائت الساعه السادسه صباحا استيقظت مرام لتذهب الي مدرستها وذهبت أسيل لترتدي ملابسها وتتجهه الي عملها اليوم في حماس ..وبعد انتهائها من ارتداء ملابسها اتجهت الي الخارج لتفطر مع أسرتها وزينب التي نهضت في تعجب وسعاده ما عندما رأت أسيل في ذلك الفستان الروز الفضفاض وخمارها الذي كان يعطيها أكثر جمالا ونور ...

_زينب بسعاده/أسيل اي الجمال ده ماشاء الله عليكي ياحببتي من العين ربنا يحفظك يارب ويحميكي يابنتي ..

_أسيل بخجل قليلا وسعاده/بجد ياماما يعني عجبتك ..

_زينب/جداا ياحببتي ربنا يحفظك ويثبتك يابنتي ياارب ..

_مرام باعجاب/شكلك حلو اوي ياأبله احلي من الاول كده انتي حلوه ..

_أسيل بابتسامه/ياقلبي انتي اللي احلي يامرام ..

_زينب/طيب يلا ياأسيل بقا ققعدي افطري قبل ماتمشي ..

_أسيل/لا ياماما معلش هتأخر انا هفطر مع رنا في المستشفي وخلاص ..

_زينب/يابنتي كلي لقمه وبعدين انزلي يعني الدنيا هتطير..

_أسيل وهي تذهب/معلش والله ياماما وبقولك صحيح انا اللي هاخد مرام النهارده من المدرسه ..

_زينب بتعجب/ليه ياأسيل..

_أسيل/لما ارجع هبقي ققولك باذن الله يلا سلام عليكم ..

....

*وذهبت أسيل سريعا واتصلت علي صديقتهل رنا التي أخبرتها انها تنتظرها امام منزلها ثم جائت لها واتجهو للعمل سويا ..

_رنا باعجاب شديد/بس بجد ماشاء الله عليكي ياسيلا تجنني ياقلبي يعني احترام واخلاق وجمال هنيالك يادكتور عمار ..

_أسيل بخجل/رنا اي اللي بتقوليه ده بس ..

_رنا ضاحكا/اي ده وكمان بتتكسف لا بجد يابخته بس يااسيل اول مره الاحظ انك بتخجلي اوي كده ..

_أسيل بابتسامه/حتي انا والله هتقولي ازاي هقولك معرفش بس أنا من ساعه ماقربت لربنا اوي وابتديت مشوار التزامي وانا بقيت احس بأجمل حاجه كان نفسي احسها من زمان بالحياء والخجل بجد يارنا انا من ساعه ما ابتديت مشوار التزامي ده وانا حسيت ان ربنا رضي عني لان زرع جوايا صفه الحياء والخجل وربنا يديمها يارب وفعلا البنت اي غير حياء وخجل ..

_رنا باعجاب وابتسامه/صح والله ياأسيل حبيت كلامك اوي وحبيتك أكتر وهحبك أكتر اكتر طول عمري بقا ربنا يديمك ليا يارفيقتي ياارب ..

_أسيل بابتسامه/ويديمك ليا يارفيقتي ..

...

*وبعد نصف ساعه جائت أسيل ورنا الي المستشفي وكانت أسيل في لهفه وشوق لرؤيته لرؤيه "عمار" ..وفي اتجاهم الي غرفه تبديل ملابسهم بملابس العمل توقفو علي صوت دكتور عمار وهو ينادي من خلفهم بدهشه وهو يقول: أسيل !!!

*توقفت أسيل في لحظتها مع ضربات قلبها السريعه وهي غير مصدقه انها سمعت اسمها بصوته بدون القاب سمعته من فم الشخص الذي دق قلبها له سمعته من حبيبها عمار. التفتت له أسيل في هدوء وهي في حاله من التوتر والخوف والسعاده والشوق كانت كثير من المشاعر تراودها وعندما تقابلت عينها بعينه أبتسمت بسعاده وهي تخبره بنظراتها انها اشتاقت له وعندما انتبهت الي تصرفاتها غضت بصرها علي الفور وهي في قمه خجلها ودقات قلبها المتسارعه ...

*قبل خمس دقائق كان عمار بمكتبه وهو يري بعض الاشاعات للمرضي وفي تركيزه التام شعر باشتياقه لحبيبته لأسيل فا نهض وهو غير مصدق حالته غير مصدق حاله الحب والاشتياق الذي وقع فيه عمار ونظر الي ساعه الحائط وجدها السابعه وهذا الوقت هو التي تبدء فيه أسيل عملها فاابتسم وهو يتذكرها لكن كان يشعر بالحزن حين يراها بثيابها الملفته للجميع والغير صحيحه لكن أخذ قراره وسوف ينفذه عندما يراها واتجهه للخارج وهو متحمس لرؤيتها وفي سيره توقف عندما وجد فتاه تسير امامه بفستانها الفضفاض وخمارها وكانت بجانبها رنا هل يمكن ان تكون هي هي كيف أسيل وهتف بصوت متوتر :أسيل !!! ...

"الفصل الخامس والأخير"

.....

*كان عمار في حاله من التعجب والتوتر والسعاده حين تأكد انها أسيل كان هذا اليوم هو يتمناه منذ زمن من يوم لقائه بها وهو يتمني لها هذا الثياب هذا الالتزام هذا الجمال المورد بلون الحياء .. وكانت رنا تتابعهم من بعد وذهبت فيهدوء لكي يتناولو فرصه الحديث وعند ذهابها لا شعر أحد به كيف يشعره وهم عند لقائهم لا يروه أحد غيرهم وصوت دقات قلوبهم تعزف بألحان الحب وعيونهم تتحدث بأشتياق ... تقدم اليها عمار حتي توقف امامها وهو مبتسم لها وعلي غير العاده وعند اول سؤال لها رفعت عينها وهي لاتريد ان يري حبها له بعيونها الفاضحه ولا يقترب ويسمع دقات قلبها ...

_عمار بابتسامه جاذبه/أسيل انتي بجد ..

_أسيل بابتسامه وتوتر/ها ازاي ..

_عمار/يعني ققصد ان انتي بجد في تغيرك المفاجأ ده ولا انا بقيت بحلم بالتزامك من كتر ماانا بفكر فيه ..

_أسيل بابتسامه وخجل/لا بجد ..

_عمار بسعاده/أسيل حقيقي انا في قمه سعادتي ربنا يثبتك يارب ..

_أسيل بخجل وسعاده/يارب يادكتور شكرا جدا لحضرتك ..

_عمار في نفسه:دكتور وحضرتك لا ياأسيل من النهارده كل شئ هيتغير من النهارده انتي هتكوني علي اسمي ..

_أسيل وهي تخرجه من شروده/دكتور عمار ممكن اطلب من حضرتك طلب ضروري هو رخم بس ضروري والله ..

_عمار بانتباه/طبعا ياأسيل اتفضلي ..

_أسيل بتوتر وقلق/انا محتاجه النهارده اخد أذن من حضرتك وامشي بدري لان لازم انا اللي اروح اخد اختي من المدرسه عارفه ان مش من حقي اطل..

_عمار مقاطعا/موافق ياأسيل بس ممكن أخد منك رقم والدك او والدتك ..

_أسيل بتعجب/اي ليه لو هيحصل مشكله انا ممكن خلاص مروحش يعني مش مهم ..

_عمار بنفي/لا ياأسيل مش كده خالص انا عايز الرقم في مسأله تاني فا ممكن ..

_أسيل/حاضر هكتب لحضرتك رقم والدتي لان والدي متوفي ..

_عمار بحزن/الله يرحمه ..

_أسيل/ياارب اتفضل حضرتك الرقم ..

*وأعطت أسيل الرقم الي عمار ثم اتجهت الي عملها مباشره وهي في قمه سعادتها اليوم وعندما رائت رنا أخذتها لتحكي لها ماحدث وقصت لها أسيل كل ما صار ..

_رنا وهي تحتضنها بسعاده/أسيل مبروك ياحببتي مبروك خلاص هتتخطبي وهبقي صاحبه العروسه بقا وهيييه ..

_أسيل ضاحكا/صاحبه العروسه اي بس وبعدين هو احنا اتخطبنا امتي يامجنونه انتي ده لسه مفيش اي حاجه بلاش نقول كلام ولسه مفيش فعل ..

_رنا بثقه/ياختي هيبقي في افعال مش فعل واحد وهتقولي رنا قالت وربنا هيسعد قلبك ياأسيل لانك طيبه ياقلبي وبتحبي بجد وتستاهلي كل خير ..

_أسيل بابتسامه/يارب يارنا يارب ..

....

وانشغلت أسيل ورنا في عملهم لكن عقل أسيل لا يتوقف عن التفكير بعمار وعن ماحدث لحظه ... وبمكتب عمار كان في هو في قمه سعادته وان اخيرا جوهرته وأميرته أسيل حققت أمنيته حققت الذي كان تفعله من زمان .. وبعد دقائق اخرج هاتفه وقام بالاتصال علي والده أسيل ...

_عمار/السلام عليكم ..

_زينب/وعليكم السلام ورحمه الله بركاته ايوا مين معايا ..

_عمار/انا دكتور عمار رئيس بنتك أسيل هنا في المستشفي في القسم بتاعها يعني وك ..

_زينب بقلق/بنتي حصلها اي هي كويسه ولا حصلها اي طمني الله يخليك ..

_عمار/لا لا مفيش اي حاجه انا كنت متصل بحضرتك لسبب تاني خالص ..

_زينب بتعجب/سبب اي ده ..

...

*في نصف اليوم انتهت أسيل من عملها وذهبت الي مدرسه مرام وسألت مرام عن الولد واسمه الذي قدم لها الجواب وأخذته مرام لعند الولد ثم قالت لمرام ان تنتظرها في الفناء واتجهت أسيل للولد واستأذنت من المس لتحكي معه بعد ما قصت لها عن الجواب ...

_أسيل بابتسامه /ازيك يازياد ..

_زياد بتعجب /اي ده انتي تعرفيني ..

_أسيل /اه اعرفك لان انا ابقي اخت مرام مرام زميلتك هنا في الفصل ..

_زياد بطفوله /اه مرام حببتي ..

_أسيل ضاحكا/حببتك وبتقولها في وشي كده عادي طيب بص ياحبيبي مش انتو لسه صغيرين وكمان انتو في مدرسه وبتدرسو سوا يعني مينفعش كلام الحب والجوابات اللي انت عملتها دي لان المدرسه دي للتعليم والاستفاده وبس وانتو هنا كلكم زمايل واصدقاء بس ولما تكبرو ياسيدي انا بنفسي هستناك تيجي تخطبها مني اي رائيك بقا ..

_زياد بسعاده /بجد يعني هتجوز مرام لما اكبر ..

_أسيل بابتسامه حنونه/اه ياحبيبي وده وعد مني متقلقش انت بس دلوقتي بلاش كلام الحب والجوابات ده لما تكبرو زي ماقولتلك تعالي بنفسك واخطبها مني ولما تخطبها وتتجوزو يبقي براحتك ياسي زياد ها اتفقنا ..

_زياده بسعاده طفوليه/اتفقنا هيييه هتجوز مرام لما نكبر ..

*أسيل في نفسها: اي الحب ده بجد معقول حب في السن ده انا مش لازم استغرب حاجه في الحب لان زي ماقولت الحب لايعرف وقت ولا سن هو حب في اي حاله ...

...

*بمنزل اسيل... بعد ماجائت أسيل بمرام وقصت لها اسيل ما حدث ضحكت زينب بكثره وهي ماتصدق ما حدث ثم قصت لها المفاجاه الكبري ..

_زينب بسعاده/أسيل حضري نفسك بليل الساعه 7لان جايلك عريس ..

_أسيل وهي تقفز/اي عمار ..

_زينب بتعجب/اي ده انتي كنتي عارفه ..

_أسيل بتوتر/ها لا اصل لما طلب مني رقمك شكيت اوي انه هو وبس ..

_زينب بابتسامه/اه ياحببتي هو دكتور عمار جاي هو وابوه واخته عشان يطلبوكي انا قلبي فرحان اوي بيكي ياأسيل ربنا يكملك علي خير يابنتي..

_أسيل بسعاده/يارب ياماما عن اذنك بقا عشان اصلي صلاه الاستخاره واحاول اجهز او اكلم رنا تبقي معايا لان متوتره جدا ..

_زينب/ماشي ياحببتي روحي ربنا يسعدك يارب ..

*وذهبت أسيل وهي ترقص من الفرحه ثم توضأت وصلت صلاه الاستخاره وعندما فشلت في اي تجهيز لها من شده توترها اتصلت سريعا برنا لتخبرها ان ظنها أصبح حقيقه وجلست أسيل تنتظرها وهي تصلي علي النبي وتستغفر لتكتمل الفرحه قلبها ...

*في المساء .. كانت أسيل في قمه الاستعداد بغرفتها وهي ترتدي فستانها السماوي وخمارها الكحلي ولاتضع اي نوع من مساحيق التجميل اكتفت بجمالها الطبيعي وحمره وجهها الطبيعيه وعندم دق جرس الباب انتفضت أسيل فزعا وهي ليس مصدقه وان علي حلمها خطوه واحده ... وجلس عمار واسرته بالريسبشن مع والده أسيل وشقيقتها الصغيره ...

_زينب بابتسامه/أنستونا والله ياجماعه ..

_والد عمار/تسلمي ياحجه من ذوقك ..

_علا بحماس/تسلمي يارب اومال فين بقا عروستنا ..

_زينب/جوا هتيجي حالا نادي علي اختك يامرام يلا ..

*وذهبت مرام لتنادي علي أسيل لكن كانت رافضه الخروج من شده توترها الغير طبيعي ..

_رنا/ياحببتي اهدي انتي مش داخله علي جواز حالا انتي هتطلعي بس للناس يالهوي ياأسيل انتي فظيعه ..

_أسيل بخجل وتوتر/اعمل اي يعني انا متلخبطه جدا وحسه ان مش هعرف اتكلم خالص ..

_رنا بمرح/ياستي متتكلميش شاوري بس ياشيخه اطلعي الراجل هيطفش بره ده احنا ما صدقنا ..

_أسيل/يووه طيب طالعه ..

*وخرجت أسيل مع مرام ورنا .. وعندما رائها عمار وهي تتجه اليهم مثل البدر ابتسم بحب علي الفور وهو يشعر انه مازال بحلمه الجميل وأجمل ما فيه هي أميرته أسيل .. وجلست معهم اسيل بعد ما رحب بها الجميع ثم تحدث محمد والد عمار وقال: احنا ياحجه يسعدنا ويشرفنا ان نطلب ايد الانسه أسيل لايد ابني عمار علي سنه الله ورسوله ..

_زينب بسعاده ما/واحنا طبعا يشرفنا ان نناسب حضرتكم والله بس طبعا الرائ رائ العروسه ها رائيك اي ياعروسه ..

*نظرت أسيل لعمار بحب وخجل ثم نظرت لوالدتها وهي تقول بسعاده: موافقه ...

_عمار وهو ينهض بسعاده/يبقي نقراء الفاتحه ...

*وتمت قرائه الفاتحه بسلام بين سعاده وحب ....بعد أسبوعين جاء موعد كتب الكتاب والذي تم في المسجد

وفي أخر جمله قالها المأذون/ بارك الله لكما وبارك عليكما وجمع بينكم في خير ....

ركض عمار مثل المجنون ليذهب الي أسيل وكذلك أسيل التي تركت الجميع وذهبت الي حبيبها وعندما اجمتعمو أقترب اليها عمار ورفعها وأحتضنها بشده وحب وهي كذلك تريد ان لا تترك حضنه التي شعرت فيه بملجأها ومسكنها ...

_عمار بحب /أسيل انتي بقيتي مراتي بجد ولا انا لسه في احلامي ..

_أسيل بخجل/لا بجد عمار توعديني تحبني طول العمر متشوفش ولا عينك دي تلمح غيري ابدا ..

_عمار ضاحكا/ولو شوفت ..

_أسيل بتوعد/بلاش تعرف احسن ..

_عمار بابتسامه جاذبه/أسيل انا طول عمري منتظر البنت اللي تيجي تخطف قلبي فجأه من غير اي حاجه في الحلال كان نفسي احس بلذه الحلال دي والحمدلله حسيتها معاكي وأجمل واروع لذه أسيل انا شوفت فيكي كل حاجه اتمناها شوفت فيكي بيتي ووطني وملجأي وكنتي ليا مش بس حببتي كنتي أمي وصحبتي وبنتي ودلوقتي مراتي وخلاصه الكلام مفيش عاشق يقدر يعشق غير معاليكي ....

.......

*وانتهت قصه "لذه الحلال" ومنتظره ارائكم وانتقادكم ومدحكم واتمني ان تكون نالت اعجاب الجميع . 

#مجلة الشفق